{"id":6356,"date":"2009-12-09T10:00:55","date_gmt":"2009-12-09T15:00:55","guid":{"rendered":"https:\/\/www.uv.mx\/blogs\/uvi\/?p=6356"},"modified":"2009-12-09T10:00:55","modified_gmt":"2009-12-09T15:00:55","slug":"tlasentilili-tlen-onkak-ueyikaltlamaxtloya-uvi-uextejkapa-totonakapa","status":"publish","type":"post","link":"https:\/\/www.uv.mx\/blogs\/uvi\/2009\/12\/09\/tlasentilili-tlen-onkak-ueyikaltlamaxtloya-uvi-uextejkapa-totonakapa\/","title":{"rendered":"Tlasentilili tlen onkak ueyikaltlamaxtiloya UVI Uextejkapa-totonakapa"},"content":{"rendered":"

Omachtijketl, Merardo Mart\u00ednez Flores<\/strong>
\nOrientaci\u00f3n en Lenguas
\nEstudiante, S\u00e9ptimo Semestre
\nUVI Huasteca<\/em><\/p>\n

.<\/p>\n

Tlasentilili tlen onkak ueyikaltlamaxtiloya UVI Uextejkapa-totonakapa, ipan ome tonatij 23 uan 24 tlen noviembre mestli<\/strong>
\n.
\n.
\nTlajtolnejchokolistli <\/strong><\/p>\n

El Encuentro de Intersedes Huasteca-Totonacapa <\/span><\/strong>junto con algunos actores locales con iniciativas a favor de las lenguas ind\u00edgenas tuvo como fin buscar estrategias de trabajos y vinculaci\u00f3n para el fortalecimiento y desarrollo de las lenguas de nuestra regi\u00f3n.<\/p>\n

En un primer momento los alumnos del s\u00e9ptimo semestre presentamos avances del proyecto de investigaci\u00f3n. Posteriormente los compa\u00f1eros Enrique Romero<\/span><\/strong>, Gulmaro R\u00edos <\/span><\/strong>del Instituto Ling\u00fc\u00edstico de Verano<\/a> (ILV) y Rodolfo Hern\u00e1ndez <\/span><\/strong>de la Academia Veracruzana de las Lenguas Ind\u00edgenas<\/a> (AVELI), compartieron sus experiencias en la elaboraci\u00f3n de materiales en lengua \u00f1uh\u00fc, tepehua y en el caso de n\u00e1huatl Rodolfo comparti\u00f3 la historia, antecedentes y el uso y desuso del n\u00e1huatl.<\/p>\n

As\u00ed mismo, comentamos que como estudiantes en Gesti\u00f3n, de la Orientaci\u00f3n Lenguas necesitamos m\u00e1s conocimientos y mejor formaci\u00f3n para poder atender a nuestras comunidades. Necesitamos as\u00ed mismo, mayor vinculaci\u00f3n con instituciones educativas para fomentar el uso de las lenguas ind\u00edgenas as\u00ed como su ense\u00f1anza. Del mismo modo buscar mejores estrategias para concientizar y sensibilizar los padres hacia la transmisi\u00f3n de la lengua originaria, ya que ellos son quienes deciden que lengua ense\u00f1ar a sus hijos.<\/p>\n

.<\/p>\n

Ipan ni ome tonatij tlen timosentilijke ni Ixhuatl\u00e1n de Madero tlen timomachtianij, temachtanij uan sekinoke tomasealpoyouaj tlen kitemoua se kuali mochikaualistli ika ni maseualtljatolmej, sankejko titekitike, timokamauijke, uan timoijlijke kenijkatsa se tekitiskia uan tisenyolchiauaskia ni tochinanko ika tomaseualnemilis uan tomaseualtlajtoluaj. Istoyaj touampoyouaj tlen ne Universidad tlen Espinal, ome touampoyouaj tlen Instituto Ling\u00fc\u00edstico de Verano Enrique Romero \u00f1uh\u00fc tlajtoketl uan Gulmaro r\u00edos tepehua tlajtouani, nojkia istoya touampo Rodolfo Hern\u00e1ndez katlia uala tlen ne Academia Veracruzana de Lenguas Ind\u00edgenas.<\/p>\n

Ipan iyojyok tonatij tlen timomachtianij, tieyij tlen ika naui xiuitl tikonantoke ipan ni kaltlamaxchtiloya, tikinpouiijke se achi tlen tekitl tijchiuaj ipan eyi chinanko tlen ni uextejkapa tlali. Achtoui panok Mar\u00eda Eufracia katlia tekiti ne Pisaflores tlen Ixhuatl\u00e1n tlatilantli. Ya tekiti iniuaya tlamachtianij uan konemej tlen se kaltlmachtiloya tlen ometlajtoli temachtiaj. Ya kitemoua se kuali tlamachtilisli ika maseualtlajtoli tepehua uan nojkia kitemoua kichiuas se keski amatlapualistli tlen ika moachtisej konemej inmaseualtlajtol.<\/p>\n

Teipa nipanok na, no tekij kitemoua mochikaualistli uan momoyaualistli tlen tomaseualnemilis uan tomaseualtljatol tlen n\u00e1huatl ipan ni chinanko tlen Xihuicalco, Chicontepec. Nojkia nitemouaj mamopua uan mamoajkokui ni ueuetlatempoualistli iuaya ni maseualajlamikilistli katlia moneki kiixmatise konemej. Uajka na nikijtoua, moneki tiuilisej titlapouasej uan titlakuiosej ika tomseualtajtol tlan tinekij mamotsontlalana, uajka moneki titekiuise ni ueuetlatempoalistli uan sekinok tlamamej tlen totatauaj kimatij, yani inijuanti techpaleuisej ika timomachtisej titlakuilosej uan titlapouasej ika tomaseualtlatol. Yani uan sekijnok tekitl timoyolijlia se kichiuas.<\/p>\n

Nojkia panok Faustina katlia tekiti ne Vista Alegre, Ixhuatl\u00e1n de Madero. Ya nojkia kitemoua se kuali tlamachtilistli tlen ika nauatlajtoli, kitemoua mamochikaua uan mamopanolti ika konemej tomaseualtlajtol.<\/p>\n

Teipa Rodolfo Hern\u00e1ndez techpouilij se achi tlen kanij pejtok, uala, tlachketl kiijtosneki uan kenijkatsa eltok maseualtlatoli, n\u00e1huatl. Tlauel kiijtojki kenijkatsa timokamauiaj, ya momanelouaya iuaya kaxtiltlajtoli. Nojkia kiijtoua maseualmej moneki kipatimatisej tomaseualtlajtol. Uan kema se tlamantli o tlajtoli tlen eltok ika kaxtiltlajtoli moneki titemosej uan tiyolitisej kenijkatsa se tlatokaxtis kema axmoasi ika maseualtlajtoli.<\/p>\n

Enrique Romero uan Gulmaro R\u00edos tlen ILV, technextilijke kenijkatsa inijuatij amachijtojke uan amachiua ika maseualtajoli tlen tepehua uan \u00f1uh\u00fc. Keijkatsa yolik momachtitiajke tlakuilouaj uan tlapouaj, ouij ken pejke nama miak tlamantli kichijtoke uan motlaskamatij ika tojuantij pampa se kinostok, motlaskamatij pampa tojuantij notitemoauj mamoyolchikaua uan mamotlalana tomaseualtlajtoluaj.<\/p>\n

Tlen ika ome tonatij, 24 itekitipa noviembre titemojke kanijkatsa ueliskia titekitiskia sansejko, tlen momachtianij, tlamachtianij iniuaya ni maseualtlajtolamachiuanij, pampa moneki tojuanti tlen timomachtianij uelis achiok tikixmatise kenijkatsa moneki se tekitis ika maseualtlajtolmej. Uajka moneki tikixmatisej nojkia kani pejtok tomaseualtlajtol, tlen kenijkatsa moneki se kiijkuilos, katlia tlamantli techpaleuis kema se amachiuas, amatlalanas uan sekinoke tekitl.<\/p>\n

Uajka tojuantij tlen timomachtianij uelis tikinpaleuisej touampoyouaj, tlen kinkuesoua kichiuasej o kiixmatisej tomaseualtlajtol. Uankino uelis titekitisej kuali kema tiselisej se kuali tlamachtilistli.<\/p>\n

Nojkia tikijtoke, moneki titlayolmelauasej kenijkatsa eli ipatij n\u00e1huatl, \u00f1uh\u00fc, tepehua o san katlia seyok tlatoli. Moneki se kinmachtis konemej mauelika toneltlajtol, makitekuika uan maaxkiilkauaka, pampa tlan inijuantij axtlajtose ni toneltlajtol teipa ixpoliuis. Uajka moneki mochikauas tlamachtili ipan tochaj uan ipan kaltlamaxtiloya.<\/p>\n