Inin maestriah motemakas ipan tlamachtiloyan UVI, Wehweyi Tepemeh, tlen mokawa barrio de Tolapan, altepetl Tequila, Veracruz. Inin tlamachtiloyan kipia tlatlamantli kaltlamachtihkan tlen kiselia 30 momachtihkeh. Kpiah pantaya, siyah iwan mesah, kanin momachtihkeh kualtis tekipanoskeh. Noihki kipia se tepostlamawisolkalli, se amoxkalli iwan teposmeh tlen ika kualtis mochiwas tlamawisolli iwan tlahtoltepostzikolistli. Noihki, kualtis kinehnekis amoxkalli tlen powi UV, tlen itoka Unidad de Servicios Bibliotecarios e Informáticos (USBI). Ihkon, momachtihkeh kualtis kiseliskeh nochi tlen moneki itech imomachtilis. Noihki tikpiah okseki tlamantli kemin plataforma virtual EMINUS, iwan miak tlamantli tlen kichikawaltis inin ixtlamachtilistli.
