Inin maestriah kipia eyi ohmeh tlen ipan mochiwas tlatemolistekipanolli:
1) Tlahtolkuepalis iwan tepantlahtolistli interkoltoral (Mediación lingüística intercultural): Itech inin ohtli, titekipanoskeh ika tlahkuiloltlahtolkuepalistli iwan kamatlahtolkuepalistli. Tikixmatiskeh chikawak tlahtlamantli ika tlen tikpalewiskeh tekiwahkapan, tlapahtiloyan, iwan oksekimeh olocholismeh pampa ma kimpatiittakan nawatlahtohkeh.
2) Tlahtoltekiwahyayotl, tlahtolyekanalis iwan tlahtolyolitilis (Gestión, planeación y revitalización lingüística): Itech inin ohtli, titekipanoskeh pampa ma onkah tlanawatilli tlen kichikawilia nawatlahtolli, iwan tekiwahkapan ma kitlakaittakan totlahtol. Noihki tikixmatiskeh chikawak tlatlamantli tlen ika tikchiwaskeh tekipanolli pampa ma moyoliti tonawatlahtol iwan ma moyankuitili.
3) Tlahtoltlamachtilis (Enseñanza y aprendizaje de la lengua): Itech inin ohtli, titekipanoskeh pampa kualli ma motemachti nawatlahtolli itech kaltlamachtiloyameh tlen powih “educación básica”. Tikixmatiskeh chikawak tlatlamantli tlen ika kualtis tiktemakaskeh tlamachtilis tlen melahka kipatiitta nawatoltekayotl.
