Tlah. Ken achi wehkawa maestriah?
Tlan. Ome xiwitl. Pewas Feb 2020 iwan tlamis junio 2022.
Tlah. Tlen tonalmeh iwan tlen kawitl momakas?
Tlan. Momakas nochtin viernes iwan sabadoh, 8:00am – 4:00pm.
Tlah. Kech motlaxtlawas?
Tlan. Se semestre ipati $5500. Noihki moneki san se tlaxtlawil $1114.00 pampa tiknankilis tlatamachialoni. Tle tehwatzin amo timexikano, titlaxtlawis $3,223.00.
Tlah. Moneki nitlapowas nawatl pampa nimomachtis inin maestriah?
Tlan. Kema
Tlah. Kanin motemakas inin maestriah?
Tlan. Ipan tlamachtiloyan UVI Wehweyi Tepemeh, itech altepetl Tequila, Veracruz
Tlah. Kanin kualtis nitekipanos keman nitlamis inin maestriah?
Tlan. Inin maestriah kateh “profesionalizante”. Yeh inon kihtosneki momachtihkeh yetoskeh nawatlahtohkeh akinmeh yi tekipanohtokeh iwan kinekih kichikawaltiskeh intlahtol ipan intekipanol. Ixtlamachilistli, tekichiwalistli iwan yolchikawalistli tlen kiseliskeh ipan inin maestriah kualtis kinnehnekiskeh ipan tlatlamantli tekipanolistli, kemin tlamachtilkayotl (nawatlahtoltlamachtilistli, masewaltlamachtilistli, tlamachtihchiwalistli, etc.), tlahtoltekiwahkayotl (nawatlahtoltlanawatilistli, tlahtolyolitilistli, amoxchiwalistli, etc.), iwan tekpantlahtolistli (tlahtolkuepalistli). Nochi inon kualtis kichikawaltis tekiwahkeh, noso tlatlamantli olocholistli kanin tekipanowah nawatlahtohkeh.
